Jesús eta Carmenen semea, Oviedon (Asturias) jaio eta Hernanin (Gipuzkoa) bizi zen. Cesarearekin ezkonduta, militar ohia eta armagilea zen lanbidez. Altxamendu Nazionala hasi zenean Guardia Zibilaren Komandantearen esku jarri zen Errepublika defendatzeko. Bere armagintzako armak eta munizioak batzordeari eman zizkion, armazain lanak eginez, lehenik Hernanin armak eta munizioak banatzeaz arduratuz, eta, ondoren, armada marxistaren hainbat parketan Gijoneraino, eta han atxilotu zuten. 1938ko urriaren 7an Donostiako Espetxe Probintzialera eraman zuten. Donostiako Plazan epaitu zuten Gerra-kontseiluan eta 1939ko urtarrilaren 21eko sententziaren bitartez matxinada militarrari laguntza ematea egotzi eta 12 urte eta egun bateko espetxealdiko zigorra ezarri zioten. Armadako erretiratua izateagatik zegozkion eskubideak galdu zituen eta kargu guztietatik baztertu zuten. Gerra Auditoretzari, kendutako nomina berreskuratzeko eskaera egin zion, baina 1939ko abuztuaren 16an ukatu egin zioten. 1940ko apirilaren 23an Bilboko Espetxe Probintzialera lekualdatu zuten baina 1940ko abenduaren 5eko sententzia berri baten bitartez, zigorra 6 urte eta egun bateko espetxealdiagatik kommutatu zioten. Azkenik, 1941eko urtarrilaren 28an baldintzapeko askatasunarekin ateratzea lortu zuen.